اورنگ آباد: مہاراشٹر کے مختلف شہروں میں موسلا دھار بارش کی وجہ سے کسانوں کی ہزاروں ایکٹر پر کھڑی فصلیں تباہ ہوگئی ہے جِس کو لیکر مہا وکاس اگھاڑی کی جانب سے ریاستی حکومت کے خلاف احتجاجی مظاہرہ کیا گیا۔ احتجاج اورنگ آباد ڈویژنل کمشنر دفتر کے سامنے کیا گیا۔ Maha Vikas Aghadi Protests for Compensation to Farmers
احتجاج میں شیوسینا، کانگریس اور این سی پی کے سینکڑوں کارکنان شامل ہوئے اور مرکزی و ریاستی حکومت کی پالیسیوں کے خلاف زبردست نعرے بازی کی۔
اس درمیان شیوسینا لیڈر امباداس دانوے نے کہا کہ 'ریاست میں موسلادھار بارش سے کسانوں کی ہزاروں ایکٹر فصلیں تباہ ہو گئی ہیں آج کسانوں کا کوئی پرسان حال نہیں ہے، وہ پریشان ہیں۔ فصلوں کے نقصان کی وجہ سے مراٹھواڑہ میں اب تک 250 اور مہاراشٹر میں تقریباً 400 کسانوں نے خودکشی کر چکے ہیں۔
احتجاج میں شامل عوامی لیڈروں کا کہنا ہے کہ مہا وکاس اگھاڑی کے لیڈروں نے کسانوں کے نقصان کا جائزہ لیا، انہوں نے کہا کہ انہیں ریاستی حکومت سے کسانوں کو معاوضہ دینے کی کوئی امید نہیں ہے لیکن پھر بھی مہا وکاس اگھاڑی کسانوں کے لیے ریاست بھر میں آواز اٹھا رہی ہے۔
