ریاست مہاراشٹر کے اورنگ آباد شہر میں 'لو اورنگ آباد' کے ایک سیلفی پوائنٹ کی رات کے اندھیرے میں توڑ پھوڑ کی گئی۔ پولیس نے سی سی ٹی وی فوٹیج کی مدد سے ملزم کو گرفتار کر لیا ہے۔
لو اورنگ آباد کی توڑ پھوڑ، ملزم گرفتار
اطلاع کے مطابق نشے کی حالت میں وشنو کاڑے نامی شخص نے سیلفی پوائنٹ کی توڑ پھوڑ کی۔
پولیس کا دعوی ہے کہ ملزم وشنو کاڑے نے نشہ کی حالت میں یہ حرکت کی۔ تاہم اس شرپسندانہ حرکت کو مستقبل قریب میں ہونے والے کارپوریشن چناؤ سے جوڑ کر دیکھا جارہا ہے۔
واضح رہے کہ اسمارٹ سٹی پروجیکٹ کے تحت شہر کے مختلف علاقوں میں 'لو اورنگ آباد، لو کھڑکی سیلفی پوائنٹ' نصب کیے گئے ہیں۔ شیوسینا کے ضلع صدر امباداس دانوے کی جانب سے سوپر سنبھاجی نگر کے سیلفی پوائنٹ بھی لگوایا گیا ہے حالانکہ امباداس دانوے نے سوپر سنبھاجی نگر سیلفی پوائنٹ کا یہ کہہ کر دفاع کیا کہ وہ ترقی کی علامت ہے۔
