ریاست مہاراسٹر کے اورنگ آباد میں افسانہ نگاری اور فنون لطیفہ سے تعلق رکھنے والے ادیبوں کے لئے بزم اہل قلم کی جانب سے ایک تقریب کا انعقاد کیا گیا۔
اس دوران معروف ادیب و ناول نگار نورالحسنین نے تقریب سے خطاب کرتے ہوئے کہا کہ فنون لطیفہ سے تعلق رکھنے والوں میں ایک جنون ہونا چاہیے لگن ہونی چاہئے اگر جنون اور لگن آپ کے اندر موجود ہے تو آپ کی منزل آسان ہے۔
گہواراہ ادب اورنگ آباد میں ادبی محفلوں کی اپنی قدیم روایت رہی ہے، لیکن بدلتے وقت اور گزشتہ چند عشروں سے ایسا لگ رہا تھا کہ یہ روایت کہیں ختم نہ ہوجائے، اس کو دیکھتے پوئے شہر کے باذوق افراد نے بزم اہل قلم کی بنیاد ڈالی اور اجداد کے ادبی ورثے کو آگے بڑھانے کا تہیہ کیا، اس پہل سے نوجوانوں میں مثبت اثرات کچھ یوں مرتب ہوئے کہ نئے لکھنے والوں کی ایک کھیپ سامنے آگئی جس نے ادب کے ماہرین کی موجودگی میں اپنی ادبی صلاحیتوں کا مظاہرہ کیا، اور داد و تحسین حاصل کی۔
جالنہ کی مساجد کو تعلیمی مراکز میں تبدیل کرنے کی مہم
واضح رہے کہ بزم اہل قلم کی اس محفل افسانہ کا اہتمام اورنگ آباد کے میونسپل اسکول میں کیا گیا تھا، یہ تقریب چھوٹی تھی لیکن اس کے اغراض ومقاصد بلند تھے۔
