منوج تلی عرف کمار گورو 11 جولائی سنہ 1960 کو پیدا ہوئے، بچپن سے ہی اپنے والد راجیندر کمار کی طرح اداکار بننے کی خواہش رکھتے تھے۔
کمار گورو نے اپنے فلمی کریئر کا آغاز سنہ 1981 میں اپنے والد راجیندر کی بنائی گئی فلم 'لواسٹوری' سے کیا۔
اس فلم کی کامیابی کے بعد کمار گورو نے تیری قسم، اسٹار، لورس اور رومانس جیسی فلموں میں کام کیا، جبکہ تیری قسم کے علاوہ تمام فلمیں باکس آفس پر ناکام ثابت ہوئیں۔
سنہ 1985 میں کمار گورو کی ایک اور سپر ہٹ فلم 'نام' ریلیز ہوئی لیکن اس فلم کی کامیابی کا سہرا سنجے دت کے حصے میں آیا۔
سنہ 1991 میں آئی فلم اندرجیت میں کمار گورو کو امیتابھ بچن کے ساتھ کام کرنے کا موقع ملا، جس میں ان کا کردار کسی حد تک پسند کیا گیا۔
اپنے فلمی کیریئر میں کمار گورو نے تقریباً 16 فلموں میں کام کیا،جن میں ہم ہیں لا جواب، آل راؤنڈر، ڈائیوورس، ایک سے بھلے دو، جانم، بیگانہ، البیلا، آج، گونج، جرأت، ہائے میری جان اور پھول وغیرہ شامل ہیں۔
خیال رہے کہ سنہ 2002 میں ریلیز فلم کانٹے کمار گورو کے کیریئر کی آخری ہٹ فلم ثابت ہوئی۔
انہوں نے سنہ 2004 میں روہت جگیسر کی ایک امریکی فلم گینی 1838 میں بھی کام کیا جسے ایوارڈ سے نوازہ گیا تھا۔
ان کی شادی نرگس اور سنیل دت کی بیٹی نمرتا دت سے ہوئی، اس طرح رشتے میں وہ سنجے دت اور پریہ دت کے بہنوئی ہیں، جبکہ کمار گورو آج کل فلموں سے دور ہیں۔
