مہاراشٹر کے خلد آباد میں کورونا وبا کے دوسال بعد پیرہن مبارک کی زیارت کا سلسلہ شروع ہو گیا ہے۔ حضرت سید زین الدین شیرازی المعروف بائیس خواجہ درگاہ میں پیغمبر اسلام محمدﷺ کا پیرہن سینکڑوں برسوں سے محفوظ ہے۔ پچھلے سات سو برسوں سے پیرہن مبارک کی زیارت کروائی جارہی ہے۔
خلد آباد میں واقع حضرت زین الدین شیرازی المعروف بائیس خواجہ کی درگاہ میں یوم رحمت اللعالمین کی مناسبت سے پیرہن مبارک کی زیارت کروائی گئی۔
یہ بھی پڑھیں:لکھنؤ: عید میلاد النبیﷺ کے موقع پر پورا شہر گلزار
پیرہن مبارک کے تعلق سے خدامین درگاہ کا کہنا ہے کہ یہ پیغمبر اسلام حضرت محمد کا پیرہن ہے جو بائیس واسطوں سے حضرت زین الدین شیرازی تک پہنچا۔ اس پیرہن کی زیارت کے لیے ملک کے گوشے گوشے سے عاشقان رسول خلدآباد کا رخ کرتے ہیں۔ لیکن کورونا وبا کے سبب اس مرتبہ زائرین کی تعداد میں نمایاں کمی دیکھی گئی۔
