کنگنا رناوت نے گورنر سے ملاقات کے بعد بتایا کہ میں نے گورنر سے ملاقات کی، جس میں میں نے ان سے میرے ساتھ ہوئی نا انصافی پر بات چیت کی۔
انہوں نے کہا کہ جس طرح سے میرے ساتھ بدسلوکی کی گئی اس سے متعلق گورنر سے بات چیت ہوئی۔
انہوں نے کہا کہ میں کوئی سیاستداں نہیں ہوں۔ انہو ںنے کہا کہ بھگت سنگھ کوشیاری نے مجھے اپنی بیٹی کی طرح سنا، مجھے امید ہے کہ جلد ہی مجھے انصاف ملے گا۔
وہیں شوسینا رہنما سنجے راوت نے کنگنا پر کیے گئے سوال پر کہا کہ سوالات تو پورے ملک سے اٹھ رہے ہیں۔ مہنگائی، بے روزگاری، جوانوں کی ہلاکت پر سوال اٹھ رہے ہیں، لیکن میڈیا صرف کنگنا ہی کا تذکرہ کررہا ہے۔
کنگنا کی گورنر سے ملاقات پر انہوں نے کہا کہ گورنر سے تو کوئی بھی ملاقات کرسکتا ہے، وہ بیٹھے ہی ہیں لوگوں سے ملاقات کرنے کے لیے۔
سنجے راوت نے کہا کہ 'آپ ایک ریاست کو بدنام کررہے ہیں، ایک ریاست کی پولیس کو مافیا کہتے ہیں، انہیں کی حفاظت میں گھومتے ہیں، وہی پولیس آپ کی حفاظت کررہی ہے، وہی حکومت آپ کو پروٹیکشن دے رہے ہیں اور وہیں آپ پھر بھی ہماری ریاست کو بدنام کررہے ہیں۔
