جالنہ: کنویں میں ڈوبنے سے تین حقیقی بھائیوں کی موت

مہاراشٹر میں جالنہ ضلع کے پیپل گاوں میں ایک حادثہ پیش آیا جس میں ایک ہی خاندان کے تین حقیقی بھائی کنویں میں غرقاب ہوکر ہلاک ہوگئے۔

جالنہ کے پیپل گاؤں کی باولی میں تین حقیقی بھی حادثاتی طور پر کنویں میں گرکر ہلاک ہوگئے جبکہ پولیس نے تینوں بھائیوں کی لاشوں کو کنویں سے باہر نکال کر پوسٹ مارٹم کےلیے راجور کے سرکاری ہسپتال منتقل کردیا۔

پولیس کے مطابق تینوں بھائی شام کے اوقات میں فصل کو پانی دینے کےلیے کھیت پہنچے تھے تاہم بڑا بھائی پانی کی موٹر کو اسٹارٹ کرتے وقت برقی کی زد میں آگیا اور باولی میں گرپڑا، جسے بچانے کےلیے دونوں بھائی بھی پانی میں کود پڑے جبکہ تینوں غرقاب ہوگئے۔

جب تینوں بھائی دیر رات تک گھر نہیں پہنچے تو گاؤں کے کچھ لوگ کھیت گئے تب انہیں حادثہ کا پتہ چلا اور پولیس کو اس کی اطلاع دی گئی۔ پولیس نے تینوں لاشوں کو پوسٹ مارٹم کےلیے روانہ کردیا اور ایک کیس درج کرکے تحقیقات کا آغاز کردیا۔