بتایا جا رہا ہے کہ جالنہ پولیس کو خفیہ جانکاری ملی تھی کہ جالنہ ایم آئی ڈی سی علاقے میں کچھ لوگ گٹکھا لینے کے لئے ایک گاڑی سے جارہے ہیں۔ جس کے بعد پولیس متحرک ہوی ۔ ملزموں کو حراست میں لے کر جب پوچھ گچھ کی گئی تو انہوں نے بتایا کہ جالنہ کے ایم آئی ڈی سی میں موجود ایک گوڈاؤن میں گٹکھا رکھا ہوا ہے۔
جس کے بعد جالنہ پولیس نے گوڈاؤن پر چھاپا مارا تو گوڈاؤن میں مختلف کمپنیوں کا گٹکا پان مصالحہ موجود تھا جس کی قیمت تقریبا 50 لاکھوں روپئے بتا ئی جا رہی ہے۔ پولیس نے اس گوڈاؤن سے تین لوڈنگ گاڑی دو موٹرسائیکل اور ایک کار بھی ضبط کی ہے۔
اسی طرح جالنہ پولیس کوخفیہ جانکاری ملی تھی کہ جالنہ کے امبڑ تعلقہ کے ایک ہال میں میں غیر قانونی طریقے سے گٹکا رکھا ہوا ہے جس کے بعد پولیس نے امبڑ تعلقہ کے ایک ہال پر چھاپہ ماری کر تے ہوے وہاں پر رکھے سات لاکھ روپے کا گٹکا ضبط کیا ہے اس معاملے کی کی تفتیش جالنہ پولیس کر رہی ہے۔
واضح رہےکہ کہ مہاراشٹرا میں گٹکا پر پابندی لگائی گئی ہے۔ جس کی وجہ سے پولیس گٹکا بیچنے والوں پر سخت کارروائی کررہی ہے جس کی وجہ سے گٹکا مافیہ میں خوف و حراس دیکھا جا رہا ہے۔
