ناگپور: مہا راشٹر نونرمان سینا(ایم این ایس) صدر راج ٹھاکرے نے اپنی پارٹی کے بھارتیہ جنتا پارٹی (بی جے پی)کے ساتھ اتحاد کی قیاس آرائی پر روک لگاتے ہوئے پیر کو کہا کہ یہ محض میڈیا کا قیاس ہے۔ ودربھ کے دورے پر آئے مسٹر ٹھاکرے نے آج پریس کانفرنس میں واضح کیا کہ ایم این ایس۔بی جے پی اتحاد میڈیا کے ذریعے صرف ایک اندازہ لگایا جا رہاہے۔ Raj Thackeray's press conference
مرکزی وزیر نتن گڈکری اور مہاراشٹر بی جے پی کے سربراہ چندر شیکھر باون کلے کے ساتھ اپنی میٹنگ کے تعلق سے کہا کہ اس میں ذاتی تعلقات اور سیاسی موضوع پر بات ہوئی۔ انھوں نے دہرایا کہ حال میں ایم این ایس نے کسی دیگر سیاسی گروپ کے ساتھ کوئی اتحاد نہیں کیا۔
انھوں نے زور دیا کہ ان کی پارٹی آئندہ کارپوریشن اور دیگر بلدیاتی انتخاب اپنے دم پر لڑے گی۔ انھوں نے پارٹی سے متعلق کارکر دگی پر مایوسی ظاہر کرتے ہوئے موجودہ بلدیات کو تحلیل کرنے کا علان کیا اور کہا کہ نو راتر کے بعد وہ نئے بلدیات کا اعلان کریں گے۔ Raj Thackeray on MNS BJP Alliance
