مجلس اتحاد المسلمین کے رہنما اور اورنگ آباد کے رکن پارلیمان امتیاز جلیل کو جامعہ ملیہ اسلامیہ کا کورٹ ممبر بنایا گیا ہے۔ اس ضمن میں امتیاز جلیل نے کہا کہ جامعہ ملیہ اسلامیہ کی انتظامی کمیٹی میں شمولیت ان کے لیے ایک اعزاز ہے۔ حکومت نے جو ذمہ داری سونپی ہے اس پر کھرا اترنے کی وہ کوشش کریں گے۔
انھوں نے کہا'جامعہ ملیہ اسلامیہ ملک کا ہی نہیں بلکہ پوری دنیا میں ایک معتبر تعلیمی ادارہ مانا جاتا ہے، ایسے ادارے کی انتظامیہ کمیٹی میں شمولیت میرے لیے ایک اعزاز کی بات ہے۔'
یہ بھی پڑھیں:مالیگاؤں: موجودہ بجٹ پر اے آئی ایم آئی ایم کی سخت تنقید
پارلیمانی سیشن کی منسوخی کے بعد امتیاز جلیل اورنگ آباد پہنچے تو ائیرپورٹ پر مجلس کے کارکنوں نے ایم پی کا پرتپاک خیرمقدم کیا۔
لوک سبھا اسپیکر نے ایم پی امتیاز جلیل اور ایم پی کنور دانش علی کو جامعہ ملیہ اسلامیہ کا کورٹ ممبر نامزد کیا ہے۔
