پونے: فیشن اسٹریٹ میں آتشزدگی،پانچ سو سے زائد دکانیں خاکستر

مہاراشٹر کے ضلع پونے میں بھیانک آتشزدگی کا معاملہ سامنے آیا۔ جمعہ کی شب شہر کے کیمپ ایریا میں فیشن اسٹریٹ پر بھیانک آگ لگ گئی۔ فیشن اسٹریٹ میں بڑی تعداد میں کپڑوں کی دکانیں ہیں۔ فائربریگیڈ کی گاڑیاں موقع پر پہنچیں اور بڑی مشکل سے آگ پر قابو پا لیا۔

اس بھیانک آتشزدگی میں سینکڑوں دکانیں جل کر خاکستر ہو گئی ہیں۔ صبح 6 بجے کے قریب آگ پر قابو پالیا گیا ہے۔

حالانکہ اس آتشزدگی میں ابھی تک کوئی جانی نقصان کی اطلاع تو نہیں ہے، لیکن پانچ سو زائد دکانیں جل کر خاکستر ہو گئی ہیں۔

غورطلب ہے کہ گزشتہ 15 روز میں کیمپ ایریا میں یہ آگ کا دوسرا واقعہ ہے، اس سے قبل شیواجی مارکٹ میں آتشزدگی کا واقعہ پیش آیا تھا۔