سائبر کرائم کے معاملات میں ہورہے اضافہ سے لوگ خوفزدہ ہیں۔ ملک بھر میں کریڈٹ کارڈ کلوننگ کے معاملات میں دن بدن اضافہ ہوتا جارہا ہے۔ دراصل سائبر کرائم کی ورادات انجام دینے والے جرائم پیشہ افراد ایک ریڈر مشین کے ذریعه کریڈیٹ کارڈ کو اسکین کرلیتے ہیں، اس دوران اسکی جانکاری کارڈ ہولڈر کو نہیں لگتی ہے۔ اس دوران کارڈ کے میگنیٹک اسٹریپ کے ذریعه خفیہ جانکاریاں بڑے آسانی سے حاصل ہوجاتی ہے۔
سائبر کرائم کے بڑھتے معاملات پر مہاراشٹر سائبر سیل کے انچارج یششوی یادو کا کہنا ہے کہ جب سائبر مجرم یہ جانکاری اپنے پاس حاصل کرلیتے ہیں تو وہ ان جانکاریوں کے ساتھ ایک نیا کریڈٹ کارڈ بناتے ہیں، اور اس کریڈٹ کارڈ میں وہ ساری جانکاریاں ہوتی ہیں، جو اصلی کارڈ میں ہوتی ہیں۔ اسے کلوننگ کارڈ بھی کہہ سکتے ہیں۔ اس کارڈ کے ذریعه وہ بینک اے ٹی ایم سے پیسے منتقلی سے لے کر آن لائن خریداری جیسے وہ سارے کام کام کرسکتا ہے جو ایک کریڈٹ کارڈ سے کیا جاسکتا ہے۔
انہوں نے بتایا کہ اس سے متاثر شخص کو مالی نقصان کا سامنا کرنا پڑتا ہے۔ اس کی خاص بات یہ ہے کہ اس میں کریڈٹ کارڈ چوری کرنے کی ضرورت نہیں ہوتی ہے صرف جانکاری سے آن لائن فراڈ بڑے آسانی سے کیا جاسکتا ہے۔
انہوں نے بتایا کہ کارڈ ہولڈر اپنا یہ کارڈ کسی بھی ہوٹل یا شاپنگ سینٹر یا ایسی جگہ دیتے ہیں، جہاں اس کا استعمال انہیں کرنا ہوتا ہے۔ تب وہ خاموشی سے اسکیننگ مشین سے میگنیٹک اسٹرپ کے ذریعه کارڈ کی پوری تفصیل کاپی کرلیتے ہیں اور اسے دوسرے کارڈ میں ٹرانسفر کرسکتے ہیں۔
یششوی یادو کہتے ہیں کہ ہمیں ایسے کریڈٹ کارڈ ہی لینے چاہئے جس میں چپ انبیلڈ ہو، اس کی خاصیت یہ ہوتی ہے کہ اس کی خفیہ تفصیلات اس چپ میں ہوتی ہے، جسے کلون کرنا یا چوری کرنا مشکل ہوتا ہے۔ اس کے علاوہ ایسے کارڈ جس میں پن کے ذریعه ہی استعمال کیا جاسکتا ہے، وہ بھی کچھ حد تک محفوظ ہوتے ہیں۔
یہ بھی پڑھیں: سائبر کرائم معاملات میں تعاون پر جی 7 متفق: ای یو
یششوی یادو کہتے ہیں کہ ہمیں مشتبہ جگہوں پر کارڈ دینے کے دوران بہت زیادہ احتیاط برتنے کی ضرورت ہے۔ چاہے وہ کوئی بھی جگہ ہو، ان میں پٹرول پمپ سے لیکر شاپنگ سینٹر تک شامل ہیں۔
