کریمی لائبریری میں ہندو مذہب کی مقدس کتابیں اردو زبان میں موجود

قدیم عمارت ہونے کے باوجود مضبوط اور مستحکم عمارت انجمن اسلام، جو کہ ممبئی میں واقع ہے۔ یہ عمارت کسی تعارف کا محتاج اس لیے نہیں ہے کیونکہ انجمن ہی واحد ملک کا وہ علمی ادارہ ہے، جس کے طلبا و طالبات ملک اور بیرون ممالک میں موجود ہیں اور ملک کا نام روشن کر رہے ہیں۔

اس عمارت میں کریمی لائبریری موجود ہے۔ یہ لائبریری عام لائبریری سے بہت جدا ہے۔ کتابیں تو ہر لائبریری میں موجود ہیں، لیکن یہاں ہندو مذہب کی مقدس کتابیں موجود ہیں، وہ بھی اردو زبان میں۔

راماین، ہنومان چالیسا سمیت کئی ایسی کتابیں ہیں، جو آپ کو ملک کے کسی بھی لائبریری میں نہیں ملے گی۔ لیکن انجمن اسلام کی اس کریمی لبریری میں وہ نادر و نایاب کتابیں باآسانی دستیاب ہیں۔

مقدس کتابیں کافی پرانی ہیں، بوسیدہ ہیں اسلئے انجمن اسلام نے اسے ڈیجیٹلائز کر دیا۔ تاکہ وقت کے دھندھلکے میں یہ مقدس اور نایاب کتابیں جو کہ اردو زبان میں موجود ہیں، وہ کہیں گم نہ ہو جائیں۔

ہندو مذہب کی مقدس کتابیں اردو زبان

انجمن اسلام کی تاریخ بہت قدیم ہے، اس کے نگہبانوں نے جنگ آزادی میں بھی نمایاں کردار اداکیا ہے اور جیل کی سلاخوں کے پیچھے قید کر لیے گئے۔ ملک پر جب بھی کوئی وباء قدرتی آفات آئی تو مصیبت کے آلام میں انجمن ملک اور حکومت کے ساتھ صف اول میں کھڑا رہا۔ اسی روایت کے ساتھ ساتھ انجمن اسلام نے اس فریضہ کا حق ادا کیا، جو ملک کی گنگا جمنی تہذیب میں چار چاند لگاتی ہے۔

ہندو مذہب کی مقدس کتابیں اردو زبان

انجمن اسلام بھارت کا واحد ادارہ ہے، جو گزشتہ147 برس سے تعلیمی میدان میں نمایاں کردار ادا کرتے ہوئے اپنے فرائض انجام دے رہا ہے۔ جس کے زیر اہتمام 97 ادارے ہیں اور تین ہزار ٹیچر کی کفالت میں ایک لاکھ سے زائد طالب علم زیر تعلیم ہیں اور جن کا تعلق متعد مذاہب سے ہے۔