تازہ تصویر منگل صبح 10:50 بجے کی ہے۔ شہر کے مختلف علاقوں کی سڑکیں زیرِ آب ہیں۔
گزشتہ شب سے ہورہی موسلادھار بارش سے شہر کے اہم شاہراہ بازار زیرِ آب ہوگئے ہیں۔
بھیونڈی شہر کے مارکیٹ علاقے تین بتی میں سیلابی کیفیت پیدا ہوگئی اور سینکڑوں دکانیں و مکانات میں بارش کا پانی داخل ہوگیا ہے۔ جب کہ شہر کے نشیبی علاقے بارش کے پانی میں ڈوبے ہوئے ہیں۔
شہر کے پاورلوم کارخانوں میں بھی بارش کے پانی کے داخل ہونے کے سبب شہریوں کے لاکھوں کی املاک تباہ ہوگئے ہیں۔
گزشتہ شب سے ہونے والی بارش نے شہریوں کی زندگی کو زبردست متاثر کیا ہے ممبئی ناسک شاہراہ، بھیونڈی واڑہ، بھیونڈی، تھانے اور بھیونڈی پارول روڈ پر پانی بھرنے سے ٹریفک جام ہوگیا ہے۔ اس شاہراہ سے گزرنے والوں کو شدید دشواریوں کا سامنا کرنا پڑرہا ہے۔
شہر کے مسلم اکثریتی علاقے غیبی نگر، انصار نگر، دھوبی تالاب، نائگاؤں، ملت نگر، اسلام پورہ، نظام پورہ علاقے میں بارش کے پانی سڑکوں پر نظر آرہا ہے۔
یہی وجہ ہے کہ نالوں کی صفائی بہتر طریقے سے نہ ہونے کے سبب شہریوں میں کارپوریشن کی نااہلی کے سبب شدید ناراضگی ہے۔
