مانسون سیزن ختم ہونے کے بعد بھی ملک کے کئی حصوں میں اب بھی بارش کی وجہ سے کہرام مچا ہوا ہے اور جس سے عوام کو مشکلات کا سامنا کرنا پڑ رہا، مہاراشٹر کے ضلع اورنگ آباد میں بھی بارش کی وجہ سے کافی نقصان ہوا۔
اورنگ آباد میں موسلا دھار بارش کی وجہ سے متعدد نشیبی علاقوں نیز دکانوں مین پانی بھر گیا جس کی وجہ سے زبردست مالی نقصان ہوا ہے۔
دکانوں میں پانی بھر جانے کی وجہ سے وہاں رکھے ہوئے سامان سڑکوں پر تیرتے ہوئے نطر آئے جبکہ کئی علاقے تالاب کا منظر پیش کر رہے تھے۔
اورنگ آباد ۔ احمد نگر راستے پر موجود پنڈھر پور علاقے میں کافی زیادہ نقسان کی اطلاع ہے جہاں لوگوں کی دکانوں میں بھی پانی داخل ہوگیا۔
دکانداروں کا کہنا ہے کہ انتظامیہ نے ایک ماہ قبل ہی نالے کی صفائی کی تھی لیکن راستے پر ڈهلان ہونے کی وجہ سے ان کی دکانوں اور مکانوں میں داخل ہوگیا ہے۔
بارش کی وجہ پانی بھر جانے کے بعد بھی ضلع انتظامیہ کے کسی بھی افسر نے ان علاقوں کا دورہ نہیں کیا۔
جن دکانوں میں بارش کا پانی بھرا ہے انہوں نے انتطامیہ سے مطالبہ کیا ہے کہ جلد از جلد ان کے نقصان کی بھرپائی ک جائے۔
