جے پور میں حضرت علی کا یوم ولادت منایا گیا

جےپور میں دعوت اسلامی کی جانب سے حضرت علی رضی اللہ تعالی عنہ کا یوم ولادت پروگرام کا اہتمام کیا گیا جس میں کثیر تعداد میں لوگوں نے شرکت کی۔

ریاست راجستھان کے دارالحکومت جے پور کے گھاٹ گیٹ علاقے میں آج دعوت اسلامی کی جانب سے حضرت علی رضی اللہ تعالی عنہ کا یوم ولادت منایا گیا۔

اس موقع پر مہمان خصوصی اجمیر صدر انیس عطاری نے عوام سے خطاب کرتے ہوئے کہا کہ حضرت علی رضی اللہ تعالی عنہ نے اپنی زندگی میں ہمیشہ سچ بولا ہے اور عوام کو سچائی کے طرف راغب کیا اس لئے ہم لوگوں کو چاہیے کہ ہم اپنی زندگی میں ہمیشہ سچ بولیں سچ بولنے والوں کے ساتھ ہمیشہ اللہ ہوتا ہے۔

پروگرام کا آغاز قرآن کی تلاوت کے ساتھ ہوا اور یہاں تشریف لائے مہمانوں کی جانب سے علی رضی اللہ تعالی عنہ کی شان میں نعت پیش کی گئی اور پروگرام کا اختتام فاتحہ خوانی سے کیا گیا۔

اس دوران خاص طور سے کورونا وباء کے خاتمے کے لیے دعا بھی کی گئی اس موقع پر دعوت اسلامی سے تعلق رکھنے والے لوگوں نے اس پروگرام میں اپنی حاضری درج کی۔