ریاست مہاراشٹر کے دارالحکومت ممبئی کے کماٹی پورا علاقے کی از سر نو تعمیر Kamathipura Redevelopment Project کو لیکر حکومت نے ہری جھنڈی دکھائی ہے۔ دراصل اس علاقے میں مخدوش عمارتیں ہیں اور کسی بھی طرح کی سہولیات دستیاب نہیں ہیں۔
حکومت نے اس علاقے کی از سر نو تعمیر کرنے کا منصوبہ بنایا ہے۔ تاکہ علاقہ ہر سہولت سے آراستہ Cluster Development in Kamathipura ہو سکے، اس علاقے کے رکن اسمبلی امین پٹیل نے ای ٹی وی بھارت سے بات کرتے ہوئے کہا کہ یہ بہت بڑا پروجیکٹ ہے۔
یہ بھی پڑھیں: 'کماٹی پورا علاقے کو نئے سرے سے تعمیر کیا جائےگا'
انہوں نے کہاکہ کماٹی پورا علاقے کی از سر نو تعمیر کو لیکر حکومت نے سنجیدگی دکھائی ہے۔ علاقے میں مخدوش عمارتیں ہیں۔ چھوٹی چھوٹی کھولیاں ہیں جب یہاں کلسٹر ڈیولپمونٹ Cluster Development ہوگا تو یہ علاقہ ہر سہولت سے آراستہ ہوگا۔ یہاں طبی تعلیمی مراکز ہوں گے۔ انہوں نے کہا کہ عبادت گاہوں سے کسی بھی طرح کی چھیڑ چھاڑ نہیں کی جائیگی۔
