مہاراشٹرا کانگریس کی جانب آج یکم مارچ کو ریاستی اسمبلی کے بجٹ اجلاس کے پہلے دن صبح 10 بجے بابائے قوم مہاتماگاندھی کے مجسمے کو خراجِ عقیدت پیش کرنے کے بعد کانگریس کے ریاستی صدر ناناپٹولے سمیت کانگریس پارٹی کے وزراء وتمام ممبرانِ اسمبلی سائیکلوں پر ودھان بھون پہنچے۔
احتجاج کی قیادت مہاراشٹر پردیش کانگریس کمیٹی کے صدر شری نانا پاٹول کی قیادت کر رہے تھے ۔ کانگریس رہنما سائیکلوں پر منترالیہ سے ودھان بھون تک پہنچنے۔ احتجاج میں بالاحصاب تھوراٹ ،سابق وزیر اعلی شری پرتھویراج چوان ،وزیر شری اشوک چوان ، ممبئی پردیش کانگریس کمیٹی کے صدر شری بھائی جگتپ ،مہاراشٹر پردیش کانگریس کمیٹی کے ورکنگ صدر محمد عارف (نسیم) خان اور کانگریس پارٹی کے تمام وزراء شریک تھے۔
کانگریس کے ریاستی صدر ناناپٹو لے نے کہا کہ 'حکومت فوری ان قیمتوں کو کم کر کے مناسب سطح پر لے آئے اور پٹرول وڈیزل پر بڑے پیمانے پر ٹیکس عائد کرکے عوام کو لوٹنے کا عمل بند کرے، تا کہ عوام آدمی راحت کی سانس لے سکے'۔
اس موقع پر ریاستی کانگریس کے کارگزار صدر محمد عارف نسیم خان نے کہا کہ مرکزی حکومت کی غلط معاشی پالیسیوں کی وجہ سے ملک کی معیشت تباہ ہوچکی ہے۔ ملک کی تاریخ میں پہلی بار سب سے زیادہ بے روزگاری بڑھ گئی ہے۔
انہوں نے کہا کہ سابقہ کانگریسی حکومتوں نے ملک کی ترقی وخوشحالی کے لیے جن عوامی شعبے کی کمپنیوں کا قیام کیا تھا، انہیں موجودہ مرکزی حکومت فروخت کرنے کے درپے ہے۔ اسی کے ساتھ ہی پٹرول و ڈیزل پر بڑے پیمانے پر ٹیکس عائد کرکے عوام کو لوٹا جارہا ہے۔ رسوئی گیس کے سیلنڈرس کی قیمتوں میں بھی بے تحاشہ اضافہ کیا جارہا ہے جس نے عام آدمی کی زندگی کو اجیرن بنادیا ہے۔
محمد عارف نے بتایا کہ 'کورونا کی وبا کی وجہ سے کروڑوں لوگوں کو اپنی ملازمتوں سے ہاتھ دھونا پڑا ہے۔ لاکھوں لوگ تنخواہ میں کٹوتی کا سامنا کررہے ہیں۔ چھوٹے کاروباری، واوسط درجے کی صنعتیں بند ہونے کی وجہ سے بے شمار لوگ بیروزگار ہوگئے ہیں۔ ایسے میں ایندھن کی قیمتوں میں اضافے کی وجہ سے عام لوگوں کو بھوکوں مرنے کی نوبت آگئی ہے۔'
