ممبئی: نالاسوپارہ میں چار منزلہ عمارت منہدم

نالاسوپارہ میں واقع سنکیشور نگر میں ایک چار منزلہ عمارت اچانک منہدم ہوگئی۔

یہ عمارت دس سال پرانی ہے، پیر کی رات میں عمارت کا ایک حصہ گر گیا تھا، اس عمارت کے رہائشیوں نے عمارت گرنے کی آواز سنتے ہی عمارت کو خالی کردیا۔

عمارت کے اچانک منہدم ہونے سے اس میں رہنے والوں مکینوں کا کافی مالی نقصان ہوا ہے۔ راحت کی بات یہ کہ اس عمارت کو فوراً خالی کرنے کے سبب کوئی جانی نقصان نہیں ہوا ہے۔

اس دوران فائر فائٹرز اور پولیس موقع پر پہنچ گئی ہے۔ مزید تفصیلات کا انتظار ہے۔