مہاراشٹراقلیتی کمیشن کے چیئرمین محمد حسین خان عرف امیر صاحب کا ہفتےکےروز عادل آباد میں انتقال ہوگیا، وہ سابقہ بی جے پی حکومت میں کمیشن کے چیئرمین رہے تھے اور بی جے پی کے سابق وزیر اور این سی پی رہنما ایکناتھ کھڈسے کے دست راست تھے۔
واضح رہے کہ تبلیغی جماعت کے امیر ہونے کی وجہ سے ان کانام امیر صاحب پڑگیاتھا۔گھڈسے بی جے پی میں نظرانداز کیے جانے کے بعد انہوں نے بھی کانگریس میں شمولیت اختیار کرلی تھی۔سابق وزیر اعلی دیویندر فڈنویس نے کھڈسے کے ساتھ اختلاف کے بعد انہیں استعفیٰ دینے پر مجبور کیاتھا۔
یہ بھی پڑھیں:ممبئی: میڈیکل رجسٹریشن کے لیے جعلی ڈگری داخل کرنے والے ڈاکٹرز کے خلاف مقدمہ درج
محمد حسین امیر صاحب نے اپنے عہدے پر رہتے ہوئے ہمیشہ قوم وملت کی فلاح وبہبود کے لیے بڑھ چڑھ کر کام کیا،مہاراشٹر میں اقلیتی فرقے کے خلاف منفی کارروائیوں کے بعد انہوں نے چیئرمین کی حیثیت سے سخت اقدامات کیے تھے۔خاندیش میں ان کے انتقال پر رنج وغم کا اظہار کیا گیا ہے۔جبکہ ایکناتھ کھڈسے اور دیگر کانگریسی رہنماوں نے بھی تعزیتی بیانات جاری کیے ہیں۔
یو این آئی
