پونے کے ضلع مجسٹریٹ نول کشور رام نے اتوار کی صبح یہ اطلاع دی۔
ضلع مجسٹریٹ نے کہا کہ پمپری- چنچواڑ کے پانچ افراد میں اس وائرس سے متاثر ہونےکی تصدیق ہوئی ہے۔ ان تمام پانچ افراد نے حال میں بیرون ملک کا سفر کیا تھا۔
انہوں نے بتایا کہ میونسپل کارپوریشن کے نائیڈو اسپتال میں متاثرہ مریضوں کا علاج کیا جا رہا ہے، فی الحال ان کی حالت مستحکم ہے۔
مہاراشٹر کے لوگوں کی صحت کے پیش نظر اس وبا سے نمٹنے کے لیے ریاست میں وبا ئی بیماری ایکٹ لاگو کر دیا گیا ہے۔ ریاست میں تمام سینما گھروں، جم، مال اور سوئمنگ پول کو اس ماہ کے آخر تک بند کرنے کا فیصلہ کیا گیا ہے۔
