ریاست مہاراشٹر کے دارالحکومت ممبئی کے لال باغ علاقے میں واقع ایک رہائشی عمارت کی 19ویں منزل میں آگ لگنے کا معاملہ پیش آیا ہے۔
اطلاع کے مطابق ساؤتھ ممبئی کے لال باغ علاقے کے کری روڈ میں واقع ایک رہائشی عمارت ایویگین پارک بلڈنگ میں یہ حادثہ پیش آیا ہے۔ آگ اتنی خطرناک ہے کہ اس نے 17ویں منزل سے 25ویں منزل کو اپنی لپیٹ میں لے لیا ہے۔ دور سے ہی دھوئیں کا غبار نظر آرہا ہے۔
حادثے کی اطلاع ملتے ہی فائر ڈپارٹمنٹ کی کئی گاڑیاں جائے وقوع پر پہنچ گئی ہے۔
رہائشی عمارت کی 19ویں منزل میں لگی آگ
وہیں اس حادثے سے متعلق ایک ویڈیو بھی سامنے آئی ہے، جس میں ایک شخص آگ سے بچنے کے لیے بالکونی سے لٹکتے ہوئے نظر آرہا ہے اور بعد میں وہ نیچے گر جاتا ہے۔ حالانکہ ابھی یہ واضح نہیں ہو پایا ہے کہ یہ شخص زندہ ہے یا اس کی موت ہوگئی ہے۔
