تھانے کے ہسپتال میں آتشزدگی، چار مریضوں کی موت

ممبئی سے متصل تھانے میں گزشتہ رات پرائم ہسپتال میں آگ لگنے سے چار مریضوں کی موت ہو گئی۔ حادثے کے وقت ہسپتال میں 17 مریض بھرتی تھے، دیگر مریضوں کو بچا لیا گیا ہے۔

مہاراشٹرا کے تھانہ میں گزشتہ رات ایک اسپتال میں لگنے آگ سے چار مریض جل کر ہلاک ہوگئے۔ یہ ہسپتال کوسا علاقے میں واقع ہے۔

اطلاع کے مطابق آگ لگنے کے واقعے کے وقت 17 مریض پرائم اسپتال میں بھرتی تھے۔ دیگر اور مریضوں کو بچا لیا گیا ہے۔

آتشزدگی کے واقعے کے بعد ممبرا۔ کلوا کے ایم ایل اے اور وزیر مملکت ہاؤسنگ ڈاکٹر جتیندر آہواڈ موقع پر پہنچے اور صورتحال کا جائزہ لیا۔

انہوں نے بتایا کہ ابھی تک آگ لگنے کی وجوہات کا پتہ نہیں چل سکا ہے۔ پولیس اور میونسپل کارپوریشن جلد ہی معلومات دیں گے۔

مہاراشٹرا کے وزیر اعلی ادھو ٹھاکرے نے اس واقعے پر غم کا اظہار کیا اور ہلاک ہونے والوں کے لواحقین کو 5-5 لاکھ روپے کی مالی امداد کا اعلان کیا ہے۔