بھیونڈی میں پھر بھیانک آتشزدگی

مہاراشٹر کے صنعتی شہر بھیونڈی میں ایک ویئر ہاوس علاقے کے پاس واقع گائتری کمپلیکس کے کیمیکل گودام لگنے والی آگ ابھی پوری طرح بجھ بھی نہیں پائی تھی کہ اسی علاقے میں واقع مہاویر کمپلیکس کے گودام میں آگ لگ گئی۔

جس میں پیپر اور پلاسٹک کا خام مال رکھا ہوا تھا، دیر رات اچانک آتشزدگی کے سبب دو گوداموں میں بھیانک آتشزدگی کے سبب لاکھوں روپے کا مال خاکستر ہوگیا ہے۔ تاہم اس حادثہ میں کسی طرح کا کوئی جانی نقصان نہیں ہوا ہے۔

آتشزدگی کی اطلاع موصول ہوتے ہی بھیونڈی ،کلیان ،تھانے، الہاس نگر کی پانچ فائر بریگیڈ گاڑیاں عملہ کے ساتھ جائے حادثہ پر پہنچ کر گھنٹوں آگ پر قابو پانے کی مشقت کرنے لگے مگر جب تک آگ پر قابو پاتے تب تک لاکھوں روپے کا مال خاک ہوچکا تھا۔ آگ لگنے کی وجوہات کا خلاصہ نہیں ہوسکا ہے۔اس سلسلہ میں بھیونڈی پولیس اس معاملے کی تحقیقات کرنے میں مصروف ہے۔ اس علاقے میں گزشتہ ایک دن میں دو آتشزدگی کے حادثے ہونے کے سبب مقامی افراد میں شدید خوف وہراس کا ماحول ہے۔