پونے میں ایک پروگرام کے باہر سی اے اے کی حمایت میں احتجاج اور نعرے بازی کرنے پر 37 افراد کے خلاف مقدمہ درج کیا گیا ہے۔
ریاستی پولیس نے ان کے خلاف تعزیرات ہند کی دفعہ 143 (غیر قانونی اسمبلی) کے تحت مقدمہ درج کرنے کے بعد انہیں حراست میں لیا ۔
وہ لوگ جمعہ کے روز پونے کے کوترود علاقے میں گاندھی بھون کے باہر جمع ہوئے اور بغیر اجازت نعرے لگاتے ہوئے احتجاج کرنے لگے۔
اس دوران اداکارہ ارمیلا ماتونڈکر مہاتما گاندھی کی برسی کے موقع پر سی اے اے ، این آر سی ، این پی آر کے خلاف گاندھی بھون میں منعقدہ ایک پروگرام میں شریک تھیں۔
