پلوامہ: جموں و کشمیر کے اسمبلی حلقے راجپورہ سے ایم ایل اے غلام محی الدین میر نے محمکہ جل شکتی کے وزیر جاوید احمد سے گزارش کی کہ وہ ضلع پلوامہ کا دور کرکے عوام کے مشکلات کا ازالہ کریں اور خاص طور سے صاف پانی کی سپلائی کے سلسلے میں اقدامات اٹھائیں۔ انہوں نے کہا ضلع افسران سے اپیل کی وہ عوام کو راحت پہنچانے کے لئے سامنے آئیں تاکہ عوام کو ان سردیوں کے ایام کے دوران زیادہ مشکلات کا سامنا نہ کرنا پڑے۔
قابل ذکر ہے کہ مرکز کے زیر انتظام خطہ جموں و کشمیر کی گورنر انتظامیہ کے ساتھ ساتھ اضلاع کی انتظامیہ ہر گھر نل ہر گھر جل پہچانے کا دعویٰ کررہی ہے، تاہم یہ دعوے زمینی سطح پر کھوکھلے ثابت ہورہے ہیں۔ سردیوں کے ان ایام کے دوران کئی علاقوں میں پینے کا پانی میسر نہیں ہے اور جن علاقوں میں ہے وہاں شدید سردیوں کے دنوں میں پانی کی پائپیں جم جاتی ہیں جس کی وجہ سے عوام کو کافی مشکلات کا سامنا کرنا پڑتا ہے۔ ضلع پلوامہ میں بھی لوگوں کو موجودہ ایام میں اسی صورت حال کا سامنا ہے۔
یہ بھی پڑھیں: ترال میں برفباری سے پیدا شدہ صورت حال پر ہنگامی میٹنگ
ضلع پلوامہ میں محمکہ جل شکتی کے پاس چند ہی پانی کے ٹینکر ہے جن کے ذریعے عوام کو پانی سپلائی کیا جاتا ہے جو ناکافی ہے۔ اس سلسلے میں ایم ایل اے غلام محی الدین میر نے مزید اقدامات اٹھانے پر زور دیا ہے۔
