FDA Now Online Drug Controls غیر ملکی ادویات کے کنٹرول کے لیے ایف ڈی اے کی اب آن لائن نظر

ممنوعہ ادویات جو کہ بیرون ممالک سے بذریعہ آن لائن بڑے پیمانے پر خریدی جاتی ہے اور اکثر شہریوں کو یہی دوائیاں نقلی بھی ملنے کی امید رہتی ہے۔ ایسے میں ایف ڈی اے ایسی آن لائن اور بیرون ممالک کی ایسی اُن کمپنیوں پر نظر رکھنے کی کوشش کر رہی ہے جو بھارت کے کئی بڑے شہروں میں سرگرم ہے۔

ممبئی: محکمۂ ایف ڈی اے ان تمام مجرمانہ سرگرمیوں پر نظر رکھنے کے لیے ایک ویب سائٹس بنا رہی ہے، جس سے ایسی ادویات یا ایسی منشیات جو آسانی سے دستیاب نہیں ہیں اور اسے آن لائن بیرون ممالک کی کمپنیاں بنا کسی جھجھک کے فروخت کر رہی ہیں۔ اس طرح کی ویب سائٹس بنانے کے پیچھے کے ایف ڈی اے کا اہم مقصد یہ ہے کہ ایسی نقلی ادویات نہ فروخت کی جائیں اور ایسی ادویات اگر کوئی فروخت کرتا ہے اور کوئی اسے خریدتا ہے تو اس کی جانکاری محکمہ کو آسانی سے پتہ چل سکے۔ ایسا قیاس لگایا جا رہا ہے کہ چند ماہ میں یہ ویب سائٹ پوری طرح سے مکمل ہو جائے گی۔

ایف ڈے اے کی تازہ تحقیقات میں یہ بات سامنے آئی ہے کہ ہماچل پردیش، گجرات، اتر پردیش سے بڑی مقدار میں ادویات ممبئی منگوائی جاتی ہیں۔ یہ بھی پتہ چلا ہے کہ ان ریاستوں میں تیار ہونے والی دوائیاں غیر تصدیق شدہ اور کم معیار کی ہوتی ہیں اس بات کو ذہن میں رکھتے ہوئے فوڈ اینڈ ڈرگ ایڈ منسٹریشن نے ریاست میں جعلی ادویات کو روک تھام کے لیے سختی سے نمٹنے کا فیصلہ کیا ہے۔ ایف ڈے اے کی یہ کوشش ہے کہ ایسی ادویات کے بارے میں پوری تفصیلات اس ویب سائٹس پر دستیاب رہے گی اس سے جعلی ادویات کو خرید و فروخت میں کمی آسکتی ہے محکمہ نے اس بارے میں ملک کے الگ الگ شہروں کے افسران کو بذریعہ میل بھیج کے یہ جانکاری بھی دی ہے۔