ممبئی:ریاست مہاراشٹر کے ممبئی میں واقع چائینیز اور مغلائی کھانوں کے لیے مشہور ایک ہوٹل پر ایف ڈی اے کے اہلکاروں نے چھاپہ ماری مہم چلائی ۔جب ایف ڈی اے حکام نے اس 76 برس سے چل رہے ہوٹل کے دستاویزات کی جانچ کی تو پتہ چلا کہ بڑے میاں کے پاس ایف ایس ایس اے آئی کا لائسنس نہیں ہے۔ ذرائع کے مطابق اگر آپ بھی کھانے پینے کے شوقین ہیں تو یہ خبر آپ کو حیران کر دے گی کیونکہ ممبئی کے ایک مشہور ریسٹورینٹ میں اب قفل لگ گیا ہے۔ دراصل ایف ڈی اے کی ٹیم نے اس ریسٹورنٹ پر چھاپہ مارا تھا۔ اس دوران اہلکاروں کو اس ریسٹورنٹ کے کچن میں کاکروچ اور چوہے ملے ۔ جانچ میں یہ بھی سامنے آیا ہے کہ یہ لوگ بغیر FSSAI لائسنس کے لوگوں کو کھانا کھلا رہے تھے۔
یہ بھی پڑھیں:Agro Processing Industries مراٹھواڑہ ڈویژن میں ایگرو پروسیسنگ انڈسٹری کو فروغ دینے کے لیے منصوبہ تیار:دھننجے منڈے
ہوٹل میں قفل لگنے کے بعد مالکان کے لیے بڑا دھچکا ثابت ہوا کیونکہ اس ریسٹورنٹ کو بحال کرنے میں انہیں کافی وقت لگ سکتا ہے۔ لیکن یہ ان لوگوں کے لیے بھی ایک بری خبر ہے جو یہاں لذیذ کھانوں سے لطف اندوز ہونے کے لیے آتے تھے۔ یہ اندازہ لگانا مشکل ہے کی ریسٹورنٹ کے کاغذات میں پائی جانے والی خامیاں دور کرنے میں کتنا وقت لگے گا۔۔
