ممبئی سے متصل شہر تھانے کے گھوڑ بندر روڈ پر دی جے ایس بی بینک کی شاخ میں واقع اے ٹی ایم کیش ڈپازٹ مشین کے ذریعے نقلی نوٹ جمع کر بینک کے ساتھ دھوکہ دہی کرنے کا انتہائی سنسنی خیز معاملہ سامنے آیا ہے۔
سی سی ٹی وی فوٹیج میں قید ہونے والے ایک نوجوان کو صاف دیکھا جاسکتا ہے کہ بینک کھاتہ میں 46 ہزار نقد ڈپازٹ مشین کے ذریعہ جمع کر رہا ہے۔ جس میں 500 روپے کی آٹھ نقلی کرنسی بھی شامل تھی، جلد بازی میں ڈپازٹ کر رہے نوجوان کو لگا کہ پیسہ جمع ہو گیا ہے مگر مشین نے نقلی کرنسی کو ریجیکٹ کر دیا۔
اس کی اطلاع جیسے ہی بینک ملازمین کو لگی انہوں نے فوراً مقامی پولیس سے رابطہ کیا۔ بینک پہنچی پولیس نے چیتن مٹھالایا نامی شخص کو نقلی کرنسی کے ذریعہ بینک کے ساتھ دھوکہ دہی کرنے کے الزام میں گرفتار کر لیا گیا ہے۔
شہر تھانے پولیس اس نقلی کرنسی کی برآمدگی کے معاملے میں باریک بینی سے تفتیش کر رہی ہے۔
