ملک کی سیاست میں حالیہ سب سے زیادہ حیرت میں ڈال دینے والے واقعات میں سے ایک سمجھی جارہی مہاراشٹر میں آج صبح فڑنویس حکومت کے قیام اور ان کے نیشنلسٹ کانگریس پارٹی کے رہنما اجیت پوار (نئے نائب وزیراعلی) کے حلف لینے کے واقعے کے کچھ ہی گھنٹوں کے بعد ایک پروگرام میں شامل ہونے آئے نڈا نے صحافیوں سے مختصر بات چیت میں کہا کہ یہ مستحکم ہوگی۔
دارالحکومت گاندھی نگر کے پاس کرناوتی یونیورسٹی کے نئے کمپلکس میں منعقدہ ’یووا سنسد 2019‘ پروگرام کے افتتاحی اجلاس میں شامل ہونے آئے نڈا نے کہاکہ نئی حکومت کے قیام سے مہاراشٹر میں ترقی کی رفتار بڑھے گی۔ انہوں نے فڑنویس اور ریاست کے عوام کو مبارکباد بھی دی۔
واضح رہے کہ دو روزہ یووا سنسد پروگرام کو جمہوری مذاکرات کے پلیٹ فارم کے طورپر منعقد کیا گیا ہے۔ افتتاحی اجلاس میں وزیراعلی وجے روپانی، گجرات کے وزیرداخلہ پردیپ سنگھ جڈیجہ بھی موجود رہیں گے۔
