بھوپال سے انتخاب لڑنے والے آزاد امیدوار کے ساتھ خصوصی بات چیت

پارلیمانی انتخابات میں بھارتیہ جنتا پارٹی نے ریاست مدھیہ پردیش کے بھوپال پارلیمانی نشست سے مالیگاؤں بم دھماکہ کی اہم ملزمہ سادھوی پرگیہ سنگھ ٹھاکر کو میدان میں اتارا ہے۔ ای ٹی وی بھارت نے ان سے خصوصی بات چیت کی ہے۔ پیش ہے تفیصیلی بات چیت ۔۔۔۔

بھوپال سے کانگریس نے تجربہ کار رہنما دگ وجے سنگھ کو ٹکٹ دیا ہے جبکہ بی جے پی نے سادھوی پرگیہ سنگھ کو امیدوار بنایا ہے۔

سادھوی کو انتخابی میدان میں اتارنے کے بعد سیاسی گلیاروں میں چہ مگوئیاں ہو رہی ہیں اسی درمیان ریاست مہاراشٹر کے ضلع اورنگ آباد کے سابق اسسٹنٹ کمشنر آف پولیس ریاض الدین دیشمکھ نے فیصلہ کیا ہے کہ وہ بھوپال پارلیمانی نشست سے بطور آزاد امیدوار سادھوی پرگیہ سنگھ ٹھاکر کے خلاف الیکشن لڑیں گے۔

انہوں نے کہا کہ سادھوی نے شہید ہیمنت کرکرے کے بارے میں جو توہین آمیز باتیں کہی ہیں وہ قابل مذمت ہیں۔

ریاض الدین نے مزید کہا کہ ہیمنت کرکرے ایک زندہ دل انسان تھے اور ہمیشہ اپنے ساتھیوں کی حوصلہ افزائی کرتے تھے۔

واضح رہے کہ ریاض الدین دیشمکھ نے ہیمنت کرکرے کے کی سربراہی میں ایک سال تک اپنی خدمات انجام دی ہیں۔