ممبئی: انفورسمنٹ ڈائریکٹوریٹ (ای ڈی) نے ممبئی کی کچی آبادی کی دوبارہ ترقی سے منسلک زمین اور منی لانڈرنگ کی تحقیقات میں پوچھ گچھ کے لیے شیوسینا کے رکن پارلیمنٹ سنجے راوت کو طلب کیا ہے، معاملہ ایسے وقت میں آیا ہے جب شیوسینا کو مہاراشٹر میں ایکناتھ شندے اور تقریباً 40 اراکین اسمبلی کی بغاوت کی وجہ سے سیاسی بحران کا سامنا ہے۔ED summons Shiv Sena MP Sanjay Raut on Tuesday
مزید پڑھیں:Maharashtra Political Crisis:باغی اراکین اسمبلی نے مہا وکاس اگھاڑی حکومت سے حمایت واپس لی
راجیہ سبھا رکن سنجے راؤت کو 28 جون بروز منگل کو جنوبی ممبئی میں واقع ای ڈی کے دفتر میں پیش ہونے اور منی لانڈرنگ کی روک تھام کے قانون (PMLA) کے تحت اپنا بیان ریکارڈ کرنے کے لیے کہا گیا ہے۔ اس سے قبل ای ڈی نے اپریل میں اس تحقیقات کے حصے کے طور پر راؤت کی بیوی ورشا راؤت اور ان کے دو ساتھیوں کے 11.15 کروڑ روپے سے زیادہ کے اثاثوں کو عارضی طور پر ضبط کیا تھا۔
