انفورسمنٹ ڈائریکٹوریٹ کی ٹیم آج صبح شیوسینا کے رکن پارلیمنٹ سنجے راوت کے گھر پہنچی تھی اور 9 گھنٹوں کی تحقیقات کے بعد انہیں اپنی تحویل میں لے لیا۔ ای ڈی پاترا چال گھوٹالے کی تحقیقات کر رہی ہے۔ اس دوران سنجے راوت کے حامیوں کی جانب سے نعرے بازی کی وجہ سے رہائش گاہ کے باہر بڑی تعداد میں پولیس اہلکار تعینات کئے گئے تھے۔ سنجے راوت کے حامیوں کے نعرے بازی کے درمیان ای ڈی کی ٹیم ان کے ساتھ ان کی رہائش گاہ سے نکل گئی ہے۔ سنجے راوت کے خلاف 1034 کروڑ روپے کے پاترا چال بدعنوانی سے متعلق منی لانڈرنگ کیس میں تفتیش جاری ہے۔ ای ڈی نے انہیں کئی بار سمن جاری کیا تھا لیکن کسی وجہ سے راوت ای ڈی کے سامنے پیش نہیں ہوسکے تھے۔
-
#WATCH | Mumbai: Shiv Sena leader Sanjay Raut being taken by ED officials along with them after he was detained in connection with Patra Chawl land scam case from his residence pic.twitter.com/VtjjuQJhxM
— ANI (@ANI) July 31, 2022 " class="align-text-top noRightClick twitterSection" data="
">#WATCH | Mumbai: Shiv Sena leader Sanjay Raut being taken by ED officials along with them after he was detained in connection with Patra Chawl land scam case from his residence pic.twitter.com/VtjjuQJhxM
— ANI (@ANI) July 31, 2022#WATCH | Mumbai: Shiv Sena leader Sanjay Raut being taken by ED officials along with them after he was detained in connection with Patra Chawl land scam case from his residence pic.twitter.com/VtjjuQJhxM
— ANI (@ANI) July 31, 2022
ایک اہلکار نے بتایا کہ انفورسمنٹ ڈائریکٹوریٹ (ای ڈی) نے اتوار کو منی لانڈرنگ کیس کے سلسلے میں ممبئی میں شیوسینا لیڈر سنجے راوت کے گھر کی تلاشی لی۔ ای ڈی کی طرف سے راوت کے خلاف دو سمن جاری کیے جانے کے بعد یہ کارروائی کی گئی ہے۔ ای ڈی نے 27 جولائی کو بھی رکن پارلیمان کو طلب کیا تھا۔ سنجے راؤت کو ای ڈی نے ممبئی میں ایک 'چال' کی دوبارہ تعمیر سے متعلق منی لانڈرنگ کیس میں پوچھ گچھ کے لیے طلب کیا تھا اور ان کی بیوی اور 'ساتھیوں' کے لین دین میں مبینہ بے ضابطگیوں کا الزام لگایا تھا۔
سنجے راوت یکم جولائی کو اس کیس کے سلسلے میں اپنا بیان ریکارڈ کرانے کے لیے ممبئی میں ایجنسی کے دفتر میں پیش ہوئے تھے۔ اس کے بعد انہیں ای ڈی نے دو بار طلب کیا لیکن انہوں نے پارلیمنٹ کے جاری اجلاس میں اپنی مصروفیات کا حوالہ دے کر پیش ہونے سے معذرت طلب کی تھی۔
