ملک کے اقتصادی دارالحکومت ممبئی کو پانی فراہم کرنے والے ساتوں جھیل کے اردگرد اور شہر میں جون کے آخری ہفتے اور جولائی کے پندرہ دنوں میں ہونے والی اچھی بارش کے سبب میونسپل کارپوریشن ممبئی عظمیٰ نے شہر میں جاری 10فیصد پانی کٹوتی کو ختم کرنے کا فیصلہ کیا ہے۔
جوکہ گزشتہ سال کم بارش کے سبب نومبر سے نافد کیا گیا تھا،20جولائی سے پانی سپلائی کی کٹوتی ختم کردی جائے گی۔کیونکہ جھیلوں میں 250 دنوں کا پانی جمع ہے اور ابھی مانسوں کے بھی دومہینے باقی ہیں۔
برہن میونسپل کارپوریشن نے گزشتہ برس بارش کی کمی کے سبب 15نومبر سے 10 فیصد پانی کی کٹوتی کردی تھی کیونکہ شہر کو پانی فراہم کرنے والی جھیلوں میں 9 فیصد پانی کم پایا گیا تھا۔
شہر میں رواں برس مانسون تاخیر سے ضرور پہنچا لیکن جون اور جولائی مہینے میں اطمینان بارش کے سبب یہ فیصلہ کیا گیا ہے اور ابھی جولائی کے 10 دن کے ساتھ ساتھ اگست اور ستمبر کے مہینے بھی باقی ہیں ،جن میں اطمینان بارش ہونے کا امکان ہے۔
