لاک ڈاؤن کے بعد بے روزگاری غریب اور متوسط گھرانے کے افراد کے لیے سب سے بڑا مسئلہ بن گئی ہے، لاکھوں کی تعداد میں نوجوان روزگار سے محروم ہوگئے۔ حالات کی سنگینی کو دیکھتے ہوئے جاب میلے کی ضرورت کو شدت سے محسوس کیا گیا۔
اس معاملے میں دعا فاؤنڈیشن اور دیگر فلاحی تنظیموں کے اشتراک سے جاب میلے کا انعقاد عمل میں آیا، جس میں تین ہزار سے زائد نوجوانوں نے حصہ لیا۔
اس طرح پندرہ سے زائد کمپنیوں کے ذمہ داروں نے ان نوجوانوں کے انٹرویو لیے اور ایک ہزار کے قریب بے روزگار نوجوانوں کا انتخاب کیا۔
رکن پارلیمنٹ امتیاز جلیل کے دفتر میں ہونے اس جاب میلے سے قبل بے روزگار نوجوانوں کو باضابطہ انٹرویو کی تیاری سے لے کر جاب کے حصول تک تمام تکنیکی باتوں سے واقف کروایا گیا تاکہ جاب کے ملنے کے بعد انھیں کوئی دشواری پیش نہ آئے۔
مزید پڑھیں:
حج ہاؤس میں رقص سرور کی محفلیں، ویڈیو وائرل
رکن پارلیمان امتیاز جلیل کی دعا فاؤنڈیشن کے تحت یہ دوسرا جاب میلا تھا، اس سے قبل بھی سینکڑوں نوجوانوں کو اسی طرح سے روزگار سے جوڑا گیا تھا۔
