ریاست مہاراشٹر کے ضلع اورنگ آباد میں علی گڑھ مسلم یونیورسٹی کی سب سینٹر قائم کرنے کے لئے خواہشمند نوجوانوں کی کوششیں تیز ہوگئیں ہیں، طلبا تنظیموں نے ڈیویژنل کمشنر کے توسط سے آج وزیراعلی کو میمورنڈم روانہ کیا اور ساتھ ہی اے ایم یو سب سینٹر کے لیے متحدہ مہم چلانے کا اعلان بھی کیا۔
اس تعلق سے مسلم یوتھ فورم کا کہنا ہیکہ 'نیشنل یونیورسٹی اورنگ آباد ہی نہیں بلکہ پورے مراٹھواڑہ ریجن کا خواب ہے،' لیکن سیاسی مفاد پرستی اور ایجوکیشن مافیاؤں کی سانٹھ گانٹھ کی وجہ سے علی گڑھ مسلم یونیو رسٹی کے سب سینٹر کا معاملہ لٹکا ہوا ہے۔
واضح رہے کہ اس تعلق سے خلدآباد کے سولی بھنجن قصبے میں ساڑھے تین سو ایکر زمین کی نشاندہی بھی ہوچکی ہے، اس کے باوجود گزشتہ دس سال سے اے ایم یو سب سینٹر کا معاملہ زیر التوا ہے۔ حالانکہ طلبا تنظیموں کا کہنا ہیکہ 'وہ اس خواب کو حقیقت میں بدل کر ہی دم لیں گے ۔
