ممبئی: مہاراشٹر میں سماجوادی پارٹی کے رہنما اور رکن اسمبلی ابوعاصم اعظمی نے آج اسمبلی میں گھاٹکوپر مانخورد شیواجی نگر فلائی اوور کا نام حضرت خواجہ معین الدین چشتی رحمتہ اللہ علیہ کے نام سے منسوب کر نے کا مطالبہ کیا ہے۔
انہوں نے کہا کہ مانخورد کے عوام اور علماء کرام کئی بار یہ مطالبہ کرچکے ہیں کہ اس فلائی اوور کا نام خواجہ غریب نواز کے نام سے منسوب کیا جائے، اس لئے میرا مطالبہ ہے کہ حکومت اس ضمن میں فوری طور پر توجہ مرکوز کرتے ہوئے اس پل کا نام خواجہ غریب نواز سے منسوب کرے۔
مزید پڑھیں:مہاراشٹر: بی جے پی کے 12 ارکان اسمبلی ایک سال کے لیے ایوان سے معطل
ابو عاصم اعظمی نے کہا کہ چھترپتی شیواجی مہاراج کے نام سے نئی ممبئی کو منسوب کیا جائے، اور ملک کے مسلمان ہی نہیں بلکہ تمام مذاہب کے لوگ خواجہ غریب نواز کو مانتے ہیں اور ان سے عقیدت رکھتے ہیں اس لئے ان کے نام سے مانخورد فلائی اوور کا نام منسوب کیا جائے اور رائے گڑھ کو سنبھاجی مہاراج کے نام سے منسوب کیا جائے۔
