اورنگ آباد میں کورونا وبا کے مریضوں کی تعداد میں اب کمی دیکھی جا رہی ہے۔ جس کو دیکھتے ہوئے مجلس اتحادالمسلمین کے رکن پارلیمان سید امتیاز جلیل نے اورنگ آباد پولیس کمشنر سے ملاقات کی اور کہا کہ عید کی خریداری کے لئے کاروباریوں کو چھوٹ دینے کا مطالبہ کیا۔
رمضان المبارک پوری طرح سے لاک ڈاؤن کی نذر ہو گیا ہے۔ شاہراہوں پر لوگوں کی آمد و رفت جاری ہیں لیکن کاروبار بند ہے اور بازاروں میں سناٹا چھایا ہوا ہے۔ جس کی وجہ سے چھوٹے کاروباری پریشان ہیں۔ اورنگ آباد کے رکن پارلیمان سید امتیاز جلیل نے اس سلسلے میں پولیس کمشنر نکھل گپتا سے ملاقات کر چھوٹے کاروباریوں کو کاروبار کے لئے چھوٹ دینے کی مانگ کی ہے۔ ایم پی سید امتیاز جلیل کا کہنا ہے کہ اب کاروباریوں کو بھی چھوٹ ملنی چاہیے کیونکہ ان کی بھی روزی روٹی کا سوال ہے۔
دوسری طرف پولیس کمشنر نکھل گپتا کا کہنا ہے کہ لاک ڈاون میں کوئی نرمی نہیں برتی جائے گی۔ خلاف ورزی کرنے والوں کے خلاف قانونی چارہ جوئی کی جائے گی۔
