دہلی تشدد پر نواب ملک نے کیا کہا؟

مہاراشٹر کے ریاستی وزیر نواب ملک نے کہا کہ 'دہلی تشدد کی منصوبہ بندی پہلے سے کی گئی تھی، ساتھ ہی انہوں نے امت شاہ سے استعفیٰ کا مطالبہ کیا ہے۔

نواب ملک نے کہا کہ 'کئی لوگوں کی جان بچائی جاسکتی تھی، یہ اس طرف اشارہ کرتا ہے کہ فسادات پہلے سے ہی منصوبہ بند تھے۔ پولیس کو کارروائی نہ کرنے کے لیے حکم دیا گیا تھا۔امت شاہ کو استعفیٰ دینا چاہیے کیوںکہ انہیں وزارت داخلہ کے دفتر میں رہنے کا اخلاقی حق نہیں ہے۔'

انہوں نے الزام عائد کیا کہ 'اس تشدد کے پیچھے حکمراں جماعت کے لوگ ہیں اور حکومت دہلی میں امن برقرار رکھنے میں ناکام رہی ہے۔'

انہوں نے کہا کہ 'کپل مشرا اور انوراگ ٹھاکر سمیت اشتعال انگیز تقریر کرنے والوں کے خلاف مقدمہ درج کیا جانا چاہیے۔ ٹھاکر نے 'گولی مارو' کے نعرے لگائے تھے۔ کوئی بھی قانون سے بالاتر نہیں ہے، ان کے خلاف مقدمہ درج کیا جانا چاہیے۔ انہیں ضرور گرفتار کیا جانا چاہیے۔'

نواب ملک نے مرکزی حکومت سے کارروائی کا مطالبہ کرتے ہوئےکہا کہ 'ٹھاکر کو کابینہ سے باہر کیا جانا چاہیے۔'

واضح رہے کہ دہلی تشدد میں 34 افراد ہلاک ہوگئے ہیں۔