ممبئی کے جے جے فلائی اوور JJ Flyover Mumbai یعنی مخدوم مہمی فلائی اوور کے نیچے تزئین کاری کا کام جلد ہی شروع کیا جائے گا۔
کانگریس کے رکن اسمبلی امین پٹیل نے ای ٹی وی بھارت سے بات کرتے ہوئے کہا کہ ہم نے محکمہ بی ایم سی کو خط لکھک کر آگاہ کیا کہ فلائی اوور کے نیچے جو لوگ ہیں ان سے آزاد کرایا جائے۔ محکمہ بی ایم سی نے پولیس کی مدد سے یہاں پر موجود نشے کے عادی افراد کو بہار کا راستہ دکھایا۔
پٹیل نے کہا ہے کہ ہم نے اس کی تزئین کاری کے لئے محکمہ بی ایم سی کو تجویز پیش کی ہے، جلد ہی یہاں سر سبز شاداب باغ بنایا جائے گا۔
محمد علی روڈ، بھنڈی بازار سمیت جنوبی ممبئی کے کئی مسلم علاقوں سے گزرتے ہوئے یہ فلائی اوور سی ایس ٹی پر ختم ہوتا ہے۔
بھنڈی بازار کی ٹریفک کو مدنظر رکھتے ہوئے اس فلائی اوور کو تعمیر کیا گیا تھا۔
فکلائی اوور کے نیچے غیر قانونی طریقے سے نشے کے عادی افراد وہاں اپنا مسکن بنا بیٹھے، جو آنے جانے والوں کے لیے پریشانیوں کا باعث بنا ہوا ہے۔ امید کی جاتی ہے کہ تزئین کاری کے بعد اس کی ایک نئی شکل دیکھنےکو ملے گی۔
