ریاست مہاراشٹر کے شہر مالیگاؤں میں موسم ندی کے علامہ اقبال پل کے نیچے ایک شخص کی لاش تیرتی ہوئی نظر آئی۔ پل کے قریب موجود بستی کے لوگوں نے اس بات کی اطلاع محلہ کے کارپوریٹر ساجد انصاری کو دی۔
اطلاع ملتے ہی کارپوریٹر اور محلہ کے نوجوانوں نے لاش کو باہر نکالا اور فائر بریگیڈ ڈپارٹمنٹ کے شکیل تیراک کو بلوایا، اطلاع ملتے ہی ڈیوٹی پر نا ہونے کے باوجود وہ اپنے دستے کے ساتھ وہاں پہنچ گئے۔
حالات کا جائرہ لینے کے بعد شکیل تیراک نے اس نوجوان کی لاش کو پوسٹ مارٹم کے لئے سول ہاسپٹل میں فائر بریگیڈ کی گاڑی میں روانہ کیا۔
ذرائع سے ملی تفصیلات کے مطابق مرنے والے شخص کا نام محمد عارف نور الہدی (40 سال) ہے اور وہ اسلام آباد، گلی نمبر 1 مالیگاؤں کا رہنے والا تھا۔
اس معاملے کے بعد ان کے بڑے بھائی نے بتایا کہ 'محمد عارف ذہنی طور پر معذور تھا اور اکثر کئی کئی دن گھر سے باہر رہتا تھا ۔'
شکیل تیراک کے مطابق آج صبح فجر کی نماز کے بعد یہ نوجوان علامہ اقبال پل کے نیچے جمع شدہ دو سے تین فٹ پانی میں نہا رہا تھا۔
وہاں موجود لوگوں کے کہنے پر یہ شخص پانی سے باہر آکر کھڑا کاںپنے لگا اور تقریبا کچھ دیر بعد بستی والوں کو اس کی لاش پانی میں تیرتی نظر آئیں۔
واضح رہے کہ تمام قانونی مراحل کی تکمیل کے بعد لاش کو اہل خانہ کے حوالے کیا گیا۔
