ممبئی میں رہنے والے ایک نوجوان نے دارالحکومت دہلی کے کراڑی میں مقیم بیمار والدہ کی دوا پہنچانے کے لیے شمال مغربی ضلع کے ڈی سی پی کو ٹوئٹ کرکے مدد طلب کی تھی، جس پر پولیس نے فوری کارروائی کرتے ہوئے مدد کی۔ جبکہ خاتون دہلی کے ضلع روہنی میں رہ رہی تھی۔ اس کے باوجود شمالی مغربی ضلع کے ڈی سی پی وجینتا آریہ نے ضلع روہنی کا علاقہ کراڑی میں ایک خاتون کو دوائیں پہنچائیں۔
بتا دیں کہ وہ نوجوان اپنی ماں کے ساتھ دہلی میں رہتا ہے لیکن وہ کسی کام سے ممبئی گیا تھا اور اسی دوران ملک میں لاک ڈاؤن نافذ ہو گیا جس کی وجہ سے وہ دہلی نہیں آسکا اور وہ ممبئی میں ہی پھنس گیا تھا۔
وہیں ٹوئٹ کے ذریعے بزرگ خاتون کا پتہ اور دوائیوں کا نام پولیس کے ذریعے لیا گیا، پھر سبھاش پلیس تھانے کے پولیس والے دوائی لے کر کراڑی پہنچے۔ دوائی دینے کے ساتھ ہی پولیس اہلکار نے اس خاتون کو اپنا فون نمبر بھی دیا اور ضرورت پڑنے پر فوری رابطہ کرنے کا یقین دلایا۔
پولیس کا یہ رویہ واقعی قابل تعریف ہے کیونکہ لاک ڈاؤن کی وجہ سے متعدد جگہوں پر پہلے بھی پولیس کو لوگوں کی مدد کرتے ہوئے دیکھا گیا ہے اور غریبوں کو کھانا کھلاتے ہوئے بھی دیکھا گیا ہے۔ لیکن ایک ٹوئٹ پر ضلع کے ڈی سی پی نے ایک بزرگ خاتون تک دوائی پہنچائی۔ جس سے باقی کے پولیس اہلکاروں کو بھی لوگوں کی مدد کرنے کی تحریک ملے گی۔
