ریاست مہاراشٹر کے ضلع تھانہ میں ایک نوجوان چوتھی منزل سے گر کر ہلاک ہوگیا، دراصل ہلاک ہونے والے نوجوان پر بندر چوری کا الزام تھا، اس سلسلے میں پولیس اس کو گرفتار کرنے اس کے علاقے میں گئی، اس دوران ملزم پولیس سے بھاگنے کی کوشش کر رہا تھا کہ اچانک وہ چوتھی منزل سے گر گیا، یہ حادثہ بھیونڈی شہر کے نظام پورہ قصائی واڈا کے علاقے میں پیش آیا۔
اس واقعہ کی اطلاع ملتے ہی ہجوم نے بھیونڈی کرائم برانچ پولیس پر حملہ کردیا جو ملزم کو گرفتار کرنے گجرات پولیس کے ساتھ گئی تھی۔
اس سے قبل ملزم پانچ سے چھ بار عمارتوں اور مکانات کی چھتوں سے چھلانگ لگا کر فرار ہوگیا تھا۔ ہلاک ہونے والے شخص کی شناخت جمیل عرف ٹکلا قریشی کے نام سے ہوئی ہے۔ جمیل معمول کے مطابق پولیس سے بچنے کے لئے عمارت کی چوتھی منزل کی کھڑکی سے چھلانگ لگانے کی کوشش کر رہا تھا اور اسی دوران وہ گر گیا جس سے موقع پر ہی اس کی موت ہو گئی، نوجوان کے ہلاک ہوتے ہی مشتعل ہجوم نے پولیس پر حملہ کر دیا۔
