ممبئی میں گزشتہ کچھ دنوں میں بی ایم سی کے علاقے میں کورونا متاثرین کی تعداد Covid In Mumbai میں اضافہ ہوا ہے۔ اس پس منظر میں میونسپل کمشنر ڈاکٹر اقبال سنگھ چہل کی ہدایت پر آج ایک خصوصی میٹنگ کا انعقاد کیا گیا۔ اس میٹنگ کی رہنمائی کرتے ہوئے میونسپل کمشنر نے تمام متعلقہ افراد کو ہدایت دی ہے کہ وہ کورونا سے بچاؤ کے اقدامات کو سختی اور احتیاط سے نافذ کریں۔
اس اجلاس Review Meeting میں ایڈیشنل میونسپل کمشنر (پروجیکٹ) پی۔ ویلارسو، ایڈیشنل میونسپل کمشنر (مغربی مضافات) سریش کاکانی، جوائنٹ کمشنر (تعلیم) اجیت کمار کمبھار، محکمہ صحت عامہ کے افسران، متعلقہ محکمہ کے سربراہان، سینیئر افسران اور میونسپل اسپتالوں کے سپرنٹنڈنٹ اور متعلقہ ماہر ڈاکٹر موجود رہے۔
یہ بھی پڑھیں: Corona Vaccination at Jama Masjid Mumbai: جامع مسجد ممبئی میں بڑی تعداد میں غیر مسلم افراد کی ٹیکہ کاری
اس میٹنگ میں کورونا کے مریضوں کی بڑھتی تعداد Covid Cases پر تشویش کا اظہار کیا گیا، میٹنگ میں میونسپل کمشنر نے کہا کہ ہمارے سابقہ تجربے کو دیکھتے ہوئے، ہمیں کورونا سے بچاؤ کے اقدامات کے نفاذ کے بارے میں بہت محتاط اور چوکس رہنے کی ضرورت ہے۔
