مہاراشٹر کے شہر ممبئی سے ڈیلیوری کے لئے ایک حاملہ خاتون اورنگ آباد آئی تھی، جس کے بعد اُس کا کورونا ٹیسٹ کیا گیا تھا۔ اس کا کورونا ٹیسٹ مثبت پایا گيا۔ اس کے بعد کورونا پوزیٹیو مریضہ کو اورنگ آباد کے سیول ہسپتال میں داخل کیا گیا اور اُس خاتون نے ایک صحت مند بچی کو جنم دیا تھا۔
زچگی کے کچھ دنوں بعد خاتون کی کورونا رپورٹ بھی منفی آئی جس کی بنا پر زچہ اور بچے کو آج ہسپتال سے چھٹی مل گئی اس موقع پر اورنگ آباد کے سیول ہسپتال کے طبی عملے اور مریضہ کے خاندان کے درمیان جذباتی منظر دیکھنے کو ملا۔
قابلہ ذکر ہے کہ کورونا متاثرہ خاتون کی ڈیلیوری کے بعد بچی کو ماں سے الگ کر دیا گیا تھا تاکہ ماں کی بیماری بچی کو نہ لگے لیکن بعد میں ویڈیو کال کے ذریعے ماں اور بیٹی کی ملاقات کروائی گئی تھی۔ اب زچہ اور بچہ دونوں صحت یاب ہیں، یہ ملک کا اولین کیس کہا جا سکتا ہے جس میں حاملہ خاتون نے کورونا کو مات دے دی اور وہ اپنے گھر واپس جا رہی ہے۔
