کنگنا رناوت کے خلاف سمن جاری

فلم اداکارہ کنگنا رناوت ایک بار پھر مشکلات میں گھرتی نظر آ رہی ہیں۔ ا نکے سابق بوائے فرینڈ ادیتہ پنچولی نے ان کے خلاف ہتک عزت کا جو مقدمہ دائر کیا تھا اس معاملے میں انھیں اندھیری کورٹ سے سمن جاری ہوا ہے۔

اس کیس کے تعلق سے ادتیہ پنچولی نے ای ٹی وی بھارت سے بات کرتے ہوئے کہا ہے کہ کنگنا نے کئی برس قبل ٹی وی چینل کو دیے گئے انٹرویو میں ان کے اور ان کی فیملی کے بارے میں نازیبا الفاظ کا استعمال کیا تھا اور جھوٹ کا سہارا لیتے ہوئے ان کی بے عزتی کی تھی۔

اس کے بعد انہوں نے اور ان کی بیوی نے ممبئی کے اندھیری کورٹ میں کنگنا اور ان کی بہن رنگولی کے خلاف ہتک عزت کی دفعات کے تحت مقدمہ دائر کیا تھا ۔

معاملے کی حساسیت کے پیش نظر کورٹ نے اس معاملے کی جانچ ورسوا پولیس تھانے کو سونپ دی تھی۔ کنگنا نے پولیس کی جانچ میں بھی تعاون نہ کرتے ہوئے تھانے میں حاضری نہیں دی۔

اب کورٹ نے ان کے خلاف سمن جاری کیا ہے تو کسی بھی حال میں انھیں اگلی سنوائی کے دوران کورٹ میں اپنے جواب کے ساتھ حاضر ہونا پڑے گا۔

کورٹ میں اگلی سماعت 26 جولائی کو ہوگی۔