اورنگ آباد پولیس نے نقلی نوٹ چھاپنے والے ایک گروہ کا پردہ فاش کر کے 5 ملزمین کو گرفتار کیا ہے۔ پولیس نے ان لوگوں کے پاس سے لاکھوں روپے کے نقلی نوٹ اور نقلی نوٹ بنانے کا سامان بھی ضبط کیا ہے۔
اورنگ آباد پولیس کا اسپشل اسکواڈ نے یہ کاروائی خفیہ جانکاری کے بعد کی ہے۔
تفصیلات کے مطابق پولیس نے ایک گھر پر چھاپہ مار کر پانچ افراد کو گرفتار کیا اور ان کے ملزمین کے قبضے سے تین لاکھ روپے سے زیادہ کی نقد رقم اور کار کے علاوہ نقلی نوٹ بنانے والی مشین ضبط کی ہے۔
یہ کارروائی پنڈلک نگر پولیس کے اسپیشل اسکواڈ نے انجام دی۔
پولیس کا کہنا ہیکہ اس کارروائی میں سُوراسے نامی ایک عادی ملزم بھی پولیس کی گرفت میں آیا ہے۔ اسی کی سرپرستی میں نقلی نوٹوں کو بازار میں پھیلایا جاتا تھا۔
سوراسے کے خلاف شہر کے مختلف پولیس اسٹیشنز میں مقدمے درج ہیں۔ پولیس اس گینگ کے دیگر ملزمین کو تلاش کررہی ہے۔
