پونے کے میئر مرلی دھر موہول نے بتایا کہ 'ایک 52 برس کے شخص میں کورونا پازیٹیو کی تشخیص ہوئی تھی جن کی آج موت ہو گئی۔'
موہول نے بتایا کہ 'وہ ہائپر ٹینشن اور ذیابیطس کے مریض تھے۔ انہیں دینا ناتھ منگیشکر اسپتال میں علاج کے لیے داخل کرایا گیا تھا۔ پونے میں اب تک کورونا وائرس کے 32 کیسز کی تشخیص ہوئی ہے۔'
پیر کی صبح تک پورے ملک میں کورونا وائرس (کووڈ انیس) کے مجموعی طور پر 1071 کیسز ہوئے ہیں۔
مرکزی وزارت برائے صحت و خاندانی فلاح و بہبود کے مطابق جن 99 افراد کو علاج کے بعد ڈسچارج کیا گیا ہے، انہیں سانس لینے میں تکلیف ہونے کی شکایت تھی۔
