دنیا بھر سے لوگ غار ہائے ایلورہ اجنٹا اور بی بی کا مقبر پن چکی دیکھنے کے لیے اورنگ آباد کا رخ کرتے ہیں غیر ملکی سیاحوں میں ایک بڑی تعداد جاپان، کوریا، تھائی لینڈ اور بودھ ازم سے تعلق رکھنے والے سیاحوں کی ہوتی ہیں لیکن حکومت ہند نے ان ممالک کے سیاحوں کے ویزا منسوخ کردیئے ہیں جس کے سبب ستر سے اسّی فیصد غیر ملکی سیاحوں کی آمد پر روک لگ گئی ہے اور ماہانہ پانچ سے چھ کروڑ روپے کا نقصان ہورہا ہے ۔
اورنگ آباد میں ایک بڑی آبادی سیاحتی پیشے سے جڑی ہوئی ہیں ان میں ہوٹل مالکان،ٹور آپیرٹرس، ٹوریسٹ گائیڈ، نوادرات کے بیوپاری، سلک شورومز اور چھوٹے کاروباری غرض ہر کوئی کسی نہ کسی طرح اس پیشے پر انحصار کرتا ہے ایسے تمام افراد اب بے روزگار ہوچکے ہیں ان کے کاروبار پوری طرح ٹھپ ہوچکے ہیں اکا دکا بیرونی سیاح نظربھی آرہے ہیں تو ان کے زیادہ تر ساتھی واپس اپنے ملک جاچکے ہیں ۔ اس صنعت سے وابستہ پانچ لاکھ سے زیادہ افراد بے روزگار ہوچکے ہیں۔
