کانگریس کے محکمہ مواصلات کے سربراہ رندیپ سنگھ سرجے والا نے اتوار کے روز ٹویٹ کرکے ان کی موت کے بارے میں مطلع کیا۔
انہوں نے لکھا 'آج ایک ایسے ساتھی کھو دیا جس نے عوامی زندگی کا پہلا قدم یوتھ کانگریس میں میرے ساتھ رکھا تھا اور آج تک میرے ساتھ چلے اور آج، راجیو ساتو کی سادگی، بے باکی، مسکراہٹ، زمینی رابطے، قیادت، پارٹی سے ان کی وفاداری اور دوستی ہمیشہ یاد آئے گی۔ الوداع میرے دوست۔ جہاں بھی رہو، چمکتے رہو۔'
کورونا سے متاثر ہونے کے بعد مہاراشٹر کانگریس کے سینئر رہنما اور راجیہ سبھا کے رکن پارلیمنٹ راجیو ساتو گذشتہ دنوں سے پونے کے ایک اسپتال میں زیر علاج تھے۔
یو این آئی۔ این یو۔
